Stacion pompa

Për lehtësi shërbimi, në mungesë të kushteve të furnizimit me ujë 24 orë, parashikohet Ambienti Teknik që përfshin rezervën ujore dhe grupet përkatëse të pompimit për impiantin e mbrojtjes nga zjarri dhe për furnizimin me ujë sanitar. Grupi i pompimit përbëhet nga dy grupe pompash: për furnizimin me ujë dhe për sistemin e mbrojtjes kundra zjarrit si edhe nga autoklava. Pompat janë pajisur më kolektorët e thithjes dhe dërgimit, që janë të galvanizuar me veshje shtresë epoxidi. Ato kanë në përbërje gjithashtu flusometër, manometër, valvola ndërprerëse, valvol moskthimi, si dhe panel elektrik komandimi dhe kontrolli, si presostatët e presionit etj. Parametrat e pompave llogariten në varësi të numrit të nyjeve hidrosanitare për çdo tualet, si edhe të presionit të nevojshëm që duhet në godinë.