SambA

SambA, Projekt i Ri

SambA, sjell një koncept të ri të jetesës së përballueshme, në harmoni me natyrën dhe shëndetin. Projekti më i ri i Kontakt në bashkëpunim me UNS studio pozicionuar pranë liqenit të Farkës.

Vendndodhja

SambA do të pozicionohet në pjesën jug-lindore të qytetit të Tiranës, në një zonë me potencial të lartë zhvillimi urban, pranë Liqenit të Farkës dhe në lidhje të drejtpërdrejtë me rrjetin kryesor të infrastrukturës rrugore. Vendndodhja siguron akses të shpejtë me qendrën e qytetit, duke u pozicionuar rreth 20 minuta me automjet nga Sheshi Skënderbej dhe në afërsi të korridoreve kryesore të lëvizjes urbane. Kjo hapësirë shndërrohet në një pikë strategjike ku arkitektura takon peizazhin, duke krijuar një raport të balancuar ndërmjet zhvillimit të ndërtuar dhe elementeve natyrore të territorit.

Harta e Vendndodhjes SambA pranë Liqenit të Farkës

Pozicioni i projektit ofron kushte të favorshme panoramike dhe vizuale, me orientime të hapura drejt horizontit urban të Tiranës dhe relieveve kodrinore që shtrihen në drejtim të Mali i Dajtit. Arkitektura e propozuar synon të integrohet natyrshëm me kontekstin përreth, duke ndikuar në mënyrën se si përdoruesit lëvizin, ndërveprojnë, pushojnë dhe jetojnë hapësirën. Kombinimi i peizazhit natyror, aksesueshmërisë së lartë dhe lidhjes vizuale me qytetin e bën SambA një destinacion të rëndësishëm urban, me identitet të qartë dhe potencial të qëndrueshëm zhvillimi.

Akseset rrugore:

Projekti SambA kufizohet në veriperëndim nga rruga “Agush Gjergjevica”, një aks lokal me intensitet të ulët qarkullimi, që garanton akses të lehtë dhe kushte të favorshme për zhvillimin e funksioneve të planifikuara. Projekti do të zhvillohet në një truall me sipërfaqe prej 24,706 m², i vendosur në një zonë të qetë dhe me karakter të theksuar peizazhor.

Sheshi i ndërtimit karakterizohet nga fushëpamje panoramike të hapura drejt peizazhit urban të Tiranës dhe relievit kodrinor përreth, si dhe ekspozim i favorshëm ndaj diellëzimit gjatë pjesës më të madhe të ditës. Zona përreth paraqet një strukturë informale urbane, e përbërë nga ndërtime individuale të shpërndara me lartësi 2–3 kate

Koncepti

SambA konceptohet si një zhvillim rezidencial bashkëkohor i bazuar në një metodologji projektimi shumë-dimensionale, ku peizazhi, komoditeti mjedisor, dendësia e kontrolluar e ndërtimit dhe jeta komunitare integrohen në një tërësi të vetme urbane. Koncepti buron nga karakteristikat natyrore të territorit, duke respektuar topografinë ekzistuese dhe kushtet klimatike të zonës. Organizimi hapësinor i projektit është formësuar nga relievi dhe orientimi natyror i truallit, me synimin për të maksimizuar ndriçimin natyror, ventilimin dhe cilësinë e hapësirave të jashtme. Përmes një strukture të harmonizuar ndërmjet ndërtimeve dhe peizazhit, projekti krijon një lagje koherente, ku hapësirat publike, gjelbërimi dhe funksionet rezidenciale bashkëjetojnë në mënyrë të balancuar

Planimetri e katit

Fasada

Në projektin “SambA”, fasadat janë konceptuar me sistem termoizolues të tipit ETICS (External Thermal Insulation Composite System), të përfunduar me veshje minerale KEIM, e cila garanton qëndrueshmëri të lartë, përshkueshmëri ndaj avullit dhe performancë të mirë mjedisore në afatgjatë. Për të pasuruar karakterin arkitektonik të objekteve dhe për të krijuar një identitet të dallueshëm vizual, në dy katet e para të secilit objekt do të aplikohet veshje me tulla dekorative me nuanca të kuqërremta natyrale. Kjo zgjidhje synon të forcojë perceptimin e bazamentit të ndërtesës dhe të krijojë një marrëdhënie më të afërt me shkallën njerëzore në hapësirat e përdorimit të përditshëm.

Projekti

Zhvillimi karakterizohet nga blloqe kompakte banimi të vendosura në mënyrë të shpërndarë brenda një matrice të gjelbër, duke krijuar perceptimin e elementeve të integruara natyrshëm në peizazh dhe duke lënë sa më shumë sipërfaqe të lirë për natyrën dhe aktivitetet në hapësirë të hapur. Duke ndjekur linjën e terrenit projekti është i ndarë në 3 pjesë kryesore: Tarracat, Pjerrësia, Kodrat

Tarracat Pjerrësia Kodrat

Tarracat

Pjerrësia

Kodrat

Gjelbërimi

Në kompleksin SambA do të jenë të mbjella disa lloje të ndryshme pemësh. Ndër to do të jenë pemët e qershisë Japoneze, e cila do të jetë karakteristikë kryesore dalluese e kompleksit. Nga çdo dritare do të jenë të dukshme 5 pemë.