Tabela Sinjalizuese

Në kantieret tona të ndërtimit rëndësi e veçantë i kushtohet tabelizimit dhe sinjalistikës së kantierit. Kjo sepse kantieret zhvillohen në siperfaqe të medha trualli, ku fluksi i punonjësve dhe qarkullimi është shume i madh. Tabelat sinjalizuese përdoren për të informuar dhe për të paralajmëruar çdo person që akseson zonën. Ato udhëzojne qartë për rreziqe të mundshme si dhe për rregullat e sigurisë dhe pajisjeve mbrojtëse. Vendosen në pika kyçe për të siguruar që punëtorët, vizitorët dhe kalimtarët të jenë të vetëdijshëm për rregulloret e kantierit, duke minimizuar kështu rrezikun e aksidenteve. Tabela specifike sinjalizojnë qarkullimin e mjeteve brenda kantierit, duke përcaktuar rrugët e lëvizjes për makineritë dhe këmbësorët, si dhe theksojnë rëndësinë e mbajtjes pastër të mjedisit përreth kantierit, duke u kujtuar punonjësve të ruajnë rendin dhe të eliminojnë mbetjet në mënyrë periodike. Përdorimi i tabelave sinjalizuese garanton një mjedis të sigurt pune dhe të organizuar.