AL
EN

Aba

AbA – Jetë pranë natyrës

AbA, një rezidencë vilash e konceptuar për një mënyrë jetese më të qetë, private dhe pranë natyrës. E vendosur në Farkë, pranë Liqenit, ajo krijon një ekuilibër mes aksesit të shpejtë drejt Tiranës dhe një ambienti rezidencial të rrethuar nga gjelbërimi, ku arkitektura moderne, hapësirat private dhe oborret individuale ndërthuren në një eksperiencë të plotë jetese.

Aksesibiliteti nga qendra e Tiranës

Harta e Vendndodhjes SambA pranë Liqenit të Farkës

Vendndodhja prej vetëm 9.6km nga qendra e Tiranës dhe 2.3km nga rruga kombëtare e bën kompleksin AbA lehtësisht të aksesueshëm.

Shtrirja e kompleksit në një zonë prej 75 hektarësh, pranë Liqenit të Farkës i dhuron atij një peisazh tërheqës kodrinor dhe biodiversitet.

Topografia

Duke marrë parasysh relievin e zonës, propozimi i projektit bëhet në mënyrë të tillë që parcela të ndahet me nivele. Secili prej këtyre niveleve përmban disa grupime vilash në varësi të sipërfaqes së nivelit. Vilat orientohen nga ana perëndimore nga ku vjen dhe kuota më e ulët e parcelës.

Objektet

Vilat AbA janë konceptuar si një kompleks rezidencial ku arkitektura moderne ndërthuret me funksionalitetin dhe privatësinë. Organizimi i projektit përmes dy tipologjive, vilave dyshe dhe vilave treshe, krijon një kompozim arkitektonik të harmonizuar, duke ruajtur identitetin dhe karakterin individual të çdo njësie banimi. Të zhvilluara në tri nivele, vilat ofrojnë një organizim të qartë të hapësirave, duke ndarë ambientet e përbashkëta të jetesës nga ato private. Kjo strukturë krijon një vazhdimësi funksionale ndërmjet kateve dhe mundëson shfrytëzimin e hapësirave sipas nevojave të përditshme të familjes.

Dy tipologjitë ndjekin të njëjtin koncept organizimi, me një shpërndarje funksionale të ambienteve në secilin nivel.
Kati -1 përfshin hapësirën e parkimit për dy automjete, ambientet ndihmëse dhe lidhjen vertikale me pjesën tjetër të vilës.
Kati përdhe është konceptuar si zona kryesore e jetesës, ku salloni, ambienti i ngrënies dhe kuzhina krijojnë një hapësirë të përbashkët. Organizimi i tyre mundëson qarkullim të natyrshëm dhe një marrëdhënie funksionale ndërmjet ambienteve.
Kati +1 i dedikohet zonës private të banimit, ku pozicionohen dhomat e gjumit dhe ambientet sanitare, duke krijuar një ndarje të qartë nga aktivitetet e përditshme të katit përdhe.
Vilat dyshe dhe treshe ruajnë një gjuhë të përbashkët arkitektonike, ndërsa organizimi i tyre synon të krijojë një ekuilibër ndërmjet hapësirave individuale dhe karakterit të përbashkët të rezidencës.