Kanalizim ujëra

Për grumbullimin e ujërave të zeza realizohet rrjeti i jashtëm i përbërë nga puseta të tipit mbledhëse me konstruksion betoni të papërshkueshëm nga uji dhe me kapak gize, si dhe tubacionet të dimensionuara sipas normave teknike të projektimit. Pusetat e ujërave të zeza realizohen në formë katrore me thellësi jo më pak se 90 cm. Tubacionet e rrjetit të jashtëm të shkarkimeve janë tuba polietilen të brinjëzuar të cilët lidhen ndërmjet tyre me pusetat e shkarkimit të ujërave të zeza të vendosura në çdo pikë ndërprerje ose kontrolli të rrjetit të jashtëm të shkarkimit. Për kullimin e ujrave sipërfaqësorë përdoret sistemi linear i kullimit. Termi linear përdoret për të theksuar natyrën sipërfaqësore të kullimit të kanaleve. Kanalet e kullimit janë një pikë kyçe në kontrollin e ujërave sipërfaqësorë dhe duhet të mirëmbahen në menyrë periodike.