Lëvozhgë vertikale

Punimet e kallëperisë vertikale realizohen për elementët beton-arme vertikale si muret konstruktive dhe kolonat. Kallëperia është një strukturë e përkohëshme që përdoret në strukturat beton-arme për të realizuar betonimin derisa të arrihet rezistenca e duhur e betonit. Kallëperia duhet të plotësojë kërkesat e sigurisë dhe cilësisë sipas standartit BS EN 8500, të cilat kontrollohen nga inxhinierët gjatë gjithë kohëzgjatjes së punimeve. Synimi i Kontakt për strukturën beton arme është realizimi i betoneve të pastra. Për këtë arsye, Kontakt bashkëpunon ngushtë me kompani lider në prodhimin e kallëperive si Paschal. Projekti i kallëperisë realizohet nga software i firmës gjermane Paschal. Materialet që përdoren për tërealizuar betonimin e elementëve vertikalë janë panelet Paschal me trashësi 7,5 cm dhe dimensione të ndryshme referuar projektit, së bashku me elementë të tjerë plotësues si çelësa, puntela, prixhonierë, këndore etj. Përgjithësisht, dizarmimi i elementëve beton-arme vertikalë ndodh 2 ditë pas betonimit. Kontakt i kushton rëndësi të veçantë sigurisë në punë dhe kujdeset që para fillimit të betonimit të jenë montuar elementët e sigurisë. Qëllimi jonë është të realizojmë një produkt final shumë të mirë, që përmbush jo vetëm kërkesat teknike, por dhe ato estetike.