Nokia

NOKIA, projekti më i ri nga Kontakt.

Apartamente me orientim të favorshëm dhe dritë natyrale gjatë gjithë ditës. Në pamjen më të lartë të Tiranës ku hapësira merr frymë.

Më shumë rrëth projektit.

Ky projekt paraqet një ndërhyrje urbane ku arkitektura ndërvepron me terrenin, për të gjeneruar hapësira vizualisht tërheqëse.

Struktura ndjek një rënie graduale, duke ndjekur një ritëm që lejon te ketë apartamente me ajrim të dyfishtë dhe pamje të papenguar.

Nje pjesë e objektit ngrihet mbi kolonada, cka krijon një hapësirë të lirë që rrit transparencën, qarkullimin dhe ventilimin natyral të kompleksit

Oborri i brendshme krijon një ambjent me potencial të madh për aktivitete sociale, çlodhje dhe ndërveprim komunitar.

Ndërtesë në terren të pjerrët – Tirana, Nokia

E vendosur në periferi të Tiranës, pranë Liqenit të Farkës dhe zhvillimit ekzistues Mangalem 21, godina ngrihet në një terren shumë të pjerrët. Ndryshe nga zhvillimet përreth, të karakterizuara nga shtrirje suburbane me dendësi të ulët, ky projekt synon të prezantojë një tipologji të re banimi që promovon një densitet të menduar mirë dhe një mënyrë jetese më komunitare. Tradicionalisht, ndërtesat me oborr vendosen në terrene të sheshta, duke krijuar hapësira të mbyllura komunale të ndara nga jeta publike e rrugës.

Në kontrast, aplikimi i një tipologjie të tillë oborri në një peizazh kaq të pjerrët, si në rastin e sitit të Nokias, bëhet një gjest projektimi jo konvencional që prodhon rezultate hapësinore të papritura dhe inovative. Topografia e theksuar e shndërron oborrin në një sekuencë hapësirash të tarracuara dhe të shkallëzuara. Mbivendosje, ngritje vëllimesh dhe platforma të gdhendura formojnë një mjedis dinamik e të shtresëzuar, ku nivele të ndryshme të hapësirave komunale lidhen si vizualisht ashtu edhe fizikisht.

Në vend që të krijojë një sipërfaqe të vetme të sheshtë oborri, godina negocion terrenin përmes një sistemi të kaskaduar tarracash, duke krijuar një oborr shumë-nivelësh që i përshtatet pjerrësisë ndërsa ruan ndërveprimin social, dritën natyrale dhe pamjet e pandërprera drejt qytetit të Tiranës dhe maleve. Oborri bëhet shtëpia e 300 familjeve, të cilat ndajnë një peizazh të tarracuar të mbështetur nga hapësira tregtare, kafene dhe funksione të tjera komunitare e shërbimesh në nivele të ndryshme.

Peizazhi shtrihet nëpër shtatë tarraca që ndjekin topografinë natyrore, secila e përcaktuar nga karakteri i vet, vegjetacioni dhe hapësirat e lojërave. Çdo tarracë lidhet drejtpërdrejt me një bërthamë të veçantë të ndërtesës, duke organizuar projektin në blloqe më të vegjël banimi ku secili komunitet zhvillon sensin e pronësisë dhe përkatësisë ndaj tarracës së vet.

Përmes kësaj strukture, projekti kultivon një shtresëzim social që inkurajon ndërveprimin duke ruajtur një shkallë intime brenda një zhvillimi më të gjerë kolektiv.

Turi vitrual.

Mos e humb mundësinë të shikosh i pari nga afër projektin më të ri. Navigo në tabelën më poshtë dhe zbulo më shumë rreth oborreve të brendëshme të kompleksit Nokia. Shtëpi në shitje me Tiranën në pëllëmbë të dorës.