Rrufepritës

Të gjitha tarracat e pallateve mbrohen nga shkarkimet atmosferike. Në të gjitha tarracat e ndërtesave janë shtruar shirita zinku me përmasa 30x3mm që fiksohen në kubikë betoni. Tek të gjitha pajisjet metalike, komponentët më të gjatë se 1m janë të lidhur me sistemin e mbrojtjes rrufepritës. Të gjitha objektet më të larta se sipërfaqja e kulmit janë të mbrojtura tërthor me shufra vertikale. Zbritja e shiritave të rrufepritësit realizohet brenda kolonave të betonit duke mos prishur pamjen e fasadave. Për arritjen e vlerës së rezistencës së tokëzimit <10 Ω instalohen elektroda tokëzimi për çdo zbritje. Lidhja e shiritave me elektrodën realizohet në puseta betoni me shkëputës që shërbejnë për matjen periodike të rezistencës së tokëzimit.