Kabinë elektrike

Kabina elektrike është e pajisur me transformatorët e markës së njohur Andeli. Keta transformatorë me grup lidhje Dyn11 kanë nivel tensioni 20/0.4 Kv dhe realizojnë furnizimin me energji elektrike të objektit. Transformatorët e përdorur janë të tipit të thatë për të shmangur rrezikun nga zjarri. Kabina elektrike është e pajisur me sistemin e lajmërimit zanor dhe vizual nëse ka mbinxehje të transormatorëve. Transformatorët janë të mbyllur me kapakë metalik për mbrojtjen nga fushat elektromagnetike duke imituar Kafazin i Faradeit i cili pengon përhapjen valeve elektromagnetike në ambientin përreth. Matësat elektrik jane të grupuar për të gjithë shkallën në një ambinet teknik që zakonisht ndodhet në katin -1. Matësat grupohen në një boks metalik me kapacitet 20 matësa dhe një matës bilanci. Pamja ballore e këtij boksi është me xham në për leximin nga faturisti. Matesat për ambinetet e shërbimit dhe ambientet e përbashkëta janë 3 fazor ndërsa për apartamentet instalohen matës 1 fazor. Matësat janë inteligjet dhe përveç konsumit realizojnë dhe matje të tensionit, rrymës, frekuencës, data ora etj. Për çdo grup matësish instalohet dhe një matës bilanci i cili mat shumatoren e të gjithë matësave individual. Për cdo shkallë instalohet dhe një matës për ambientet e përbashkëta (ashensor, ndricim shkallë, pompa, ndricim i jashtëm). Komsumi i këtij matësi i përpjetohet te të gjithë banorët e shkallës.